With Open Hands

尋日係最後一堂 ，介紹咗呢本好有意義既書， 話說本書， 講咗一個故事 ，佢話從前有一個老人家， 因為精神有問題 ，俾人捉左去精神病院， 呢個老人家係精神病院嘅時候， 隻手握住個拳頭 ，拳頭入面收埋咗啲嘢 ，死都唔肯打開個拳頭， 於是精神病院入面嘅人 ，搵咗兩個彪形大漢 ， 夾硬將嗰個阿伯嘅拳頭打開 ，雖然嗰呀伯奮力抵抗 ，但係最後都敵唔過兩個大漢嘅力量， 俾人打開咗個拳頭之後 ，發現佢手上係拎住一個銀幣 ，一個銀幣 對於其他人嚟講 ，根本乜嘢都唔係 ，但係對於嗰個阿伯嚟講， 就係佢嘅一切。 原來每個人心目中 ，都有一樣嘢對佢嚟講係好重要 ，要緊緊握住 ，唔肯放手， 但係依樣嘢 ，可能就係阻礙我哋去搵天主嘅路。 我哋成日都聽神父講 ，升天堂 ，唔係靠自己爭取，而係天主白白畀我哋嘅禮物， 既然係咁 ，點解有啲人升唔到天堂呢? 唔係因為天主唔畀我哋去天堂 ，而係依啲嘅固執 ，執著 ，令到我哋搵唔到去天堂嘅路， 所以我哋都可以思考下 ，究竟 我哋 手握住嗰個銀幣， 究竟係咩嚟嘅呢 ?聽完之後， 我不禁佢諗 ，我嘅銀幣究竟係咩呢 ?金錢 ，權力 ，好多人追求嘅嘢， 唔知點解 ，對我嚟講， 完全冇吸引力， 但係咁多年以來 ，可能受到屋企人嘅由細到大影響， 對自己工作嘅地方， 投放好多好多嘅感情入去， 直到尋晚為止， 我都覺得係一件好事 ，但其實會唔會 ，對於保護依間學校 ，過於固執， 同埋執著? 或者呢間學校嘅改變 ，雖然同以前已經唔同咗 ，亦都唔係我心目中理想學校應該係點 ，會唔會依個就係我拳頭入面嘅銀幣? 對於其他人嚟講 ，有糧出 ，有工返 ，理得閒學校變成點 ?我係咪應該唔好咁執著， 打返開個拳頭 ，畀人拿走呢一個銀幣呢? 因升天堂 ，永生， 才是人生終極的目標呢?